مكرونه بالفراخ والمشروم ..

المقادير والطريقة :
كيلو مكرونه حسب الشكل المطلوب ويفضل خلط عدة أشكال
علبة مشروم مقطع شرائح ( أسهل )
طبعا تسلق المكرونه مع الملح وتشطف بماء ساخن
نوضب الصلصة البيضاء
بملعقة زبد كبيره مع شوية زيت ذره
ونحمر فيهم شرائح المشروم 3-4 دقايق وينشل بره الطاسة
نحط معلقتين كبار دقيق فى الطاسه ونقلب للون الأصفر الفاتح
وممكن قبل ما يلون خالص علشان تكون بيضاء
ثم نخلط المشروم بالصلصة مع وضع الملح والفلفل وذرة قرنفل مطحون
صدور الفراخ تقطع للمقاس المطلوب
وتسوى مع فلفل أخضر وبصل وملح وفلفل فى لفة فويل فى الفرن
تطلع صدور الفراخ المقطعه بعيدا عن الخلطة اللى معاها
ممكن هنا بقى نحط المكرونه وفوقيها الصلصة بالمشروم ونرص الفراخ
أو نلخبط الصلصة بالمشروم مع الفراخ ونصبهم كلهم عالمكرونه
أو نلخبط كله على بعضه ونزوق الطبق بشرائح فلفل اخضر من الخارج
يعنى التقديم ممكن بأى طريقة
أما بالمايونيز فتستبدل الصلصة بمايونيز أبيض جاهز وبدون تسخين طبعا
وبالهنا والشفا